Úsh jas jigit pen er adam shomylý kezinde sýǵa ketti - QR TJM
ASTANA. 8 maýsym. QazAqparat - Elimizdiń sý nysandarynda úsh jas jigit pen er adam sýǵa ketti, dep habarlady QR TJM baspasóz qyzmeti.
Búgin túnde Kaspıı teńizine 24 jastaǵy jigit batyp ketti. Onyń denesin QR TJM Mańǵystaý oblysy TJD sýdan qutqarý qyzmeti (3 adam jáne І birlik tehnıka) sýdan shyǵaryp aldy.
Juma kúni, 7 maýsymda Almaty oblysynyń Almalybaq kentinde jasandy sý qoımasyna 16 jastaǵy jasóspirim batyp ketti. Onyń denesi QR TJM Almaty qalasy TJD sýdan qutqarý qyzmetiniń (12 adam jáne 2 birlik tehnıka) kúshimen sýdan shyǵarylyp alyndy.
Óskemende Samar tasjoly aýdanyndaǵy qazanshuńqyrǵa 17 jastaǵy jasóspirim sýǵa ketti. Onyń denesin QR TJM Shyǵys Qazaqstan oblysy TJD sýdan qutqarý qyzmeti (3 adam jáne 1 birlik tehnıka) shyǵaryp aldy.
Sol kúni Qyzylorda oblysyndaǵy «Asha» arnasyna 31 jastaǵy er adam sýǵa batyp ketti. Onyń denesin QR TJM Qyzylorda oblysy TJD sýdan qutqarý kúshteri (4 adam jáne 1 birlik tehnıka) izdestirýde.
