Úsh úmitker prezıdenttik saılaýǵa qatysýdan óz erikterimen bas tartty

ASTANA. QazAqparat - Búgin QR Ortalyq saılaý komıssııasynyń otyrysynda prezıdenttik saılaýǵa qatysýdan óz erikimen bas tartqan úsh adamǵa qatysty sheshim shyǵaryldy.

«Úsh úmitker Muhamedrahım Qabyrbaıuly Qursabaev, Mels Hamzauly Eleýsizov jáne Jaqsybaı Ábishuly Bázilbaev Ortalyq saılaý komıssııasyna jazbasha ótinish berip, óz kandıdatýralaryn alyp tastady. Sol sebepten bizge hattama retinde sheshim qabyldaýymyz kerek. Ol sheshimde bul úmitkerlerdi biz tirkeýden bas tartamyz», - dedi qaýly jobasyn tanystyrǵan QR Ortalyq saılaý komıssııasynyń hatshysy Baqyt Meldeshev.

QR OSK músheleri qaýly jobasyn biraýyzdan maquldady.