Úsh tujyrym boıynsha álem chempıony Qazaqstan týmasymen judyryqtasýdan bas tartty
ASTANA. QazAqparat - Namıbııalyq Djýlıýs Indongo reseılik Sergeı Lıpınetspen judyryqtaspaý úshin IBF nusqasy boıynsha birinshi orta salmaqtaǵy álem chempıony tıtýlynan bas tartty. Indongo onyń ornyna WBO chempıony Terens Kroýfordpen aıqasady, dep habarlaıdy Sports.kz .
«Indongomen aıqas ótpeıtin boldy, ol Terens Kroýfordpen judyryqtasady. Al, bizge qarsylasty IBF taǵaıyndaıdy. Biz jekpe-jektiń tamyz aıynda ótetinin josparlaýdamyz», - dedi Lıpınetstiń menedjeri Aleks Vaısfeld TASS-qa bergen suhbatynda.
Lıpınets IBF belbeýine mindetti úmitkerlerdiń biri sanalady. Indongo ony 2016 jyldyń jeltoqsan aıynda Edýard Troıanovskııdi nokaýtqa jiberip, jeńip alǵan bolatyn.
Eske salaıyq, Reseıdiń namysyn qorǵap júrgen Lıpınets - Aqtóbe oblysy Mártók kentiniń týmasy.
