«Úsh Tatıana» birlesip, kontsert qoıady
ASTANA. 31 mamyr. QazAqparat - 70-80-shi jyldary qazaq ánderin naqyshyna keltire oryndaýmen halyqty tánti etken «Úsh Tatıana» - Tatıana Býrmıstrova, Tatıana Poltavskaıa jáne Tatıana Martynenko qaıta qosylyp, kontsert qoıady.
Atalǵan trıony aǵa býyn ókilderi jaqsy biledi. 70-80-shy jyldary úsh arý Keńes Odaǵyna tanymal boldy desek, artyq aıtqandyq emes. Qazaq tilinde án shyrqap, dombyra tartqan «Úsh Tatıanany» jurtshylyq súıip tyńdady. Sebebi olar qazaqsha án salyp qana qoımaı, osy tilde emin-erkin sóıledi. Búginde birinshi Tatıana - dombyrashy Tatıana Býrmıstrova qazaq ónerin dáripteıtin ulttyq ortalyqtyń jetekshisi, ekinshi Tatıana - ánshi Tatıana Poltavskaıa Reseıde mýzyka muǵalimi qyzmetin atqaryp júr. Al úshinshi Tatıana - Tatıana Martynenko qazaqtyń kelini, 3 balanyń anasy, balabaqsha meńgeýshisi bolyp jumys isteıdi.
90-shy jyldardan beri «Úsh Tatıana» sahnaǵa shyqqan joq. Endi araǵa 30 jyl salyp, úsheýi qaıtadan kontsert bermekshi. Bul shara «KTK» telearnasynyń uıymdastyrýymen 5 maýsym kúni Almatydaǵy Respýblıka saraıynda ótedi.
