Úsh reseılik bankke qatysty 3 mlrd teńge buǵattaldy - Mádına Ábilqasymova

NUR-SULTAN. QazAqparat – Reseılik úsh enshiles bankke qatysty sanktsııalar engizilgennen keıin, tıisti shekteýler kúshine endi. Bul týraly QR Qarjy naryǵyn retteý jáne damytý agenttiginiń tóraǵasy Mádına Ábilqasymova málim etti, dep habarlaıdy QazAqparat tilshisi.

«Qazaqstandaǵy reseılik úsh enshiles bankke qatysty sanktsııa engizilgennen keıin, tıisti shekteýler boldy. Olar sheteldegi banktiń, ıaǵnı korrespondent bankterdiń aktıvterin buǵattaýǵa qatysty jasaldy. Bul óz kezeginde shetel valıýtasyndaǵy aktıvterge baılanysty boldy», - dedi M. Ábilqasymova Májiliste tilshiler saýalyna jaýap bere otyryp.

Osy oraıda ol sanktsııalar shetelde bankterdiń avtıvterin tikeleı buǵattaý qadamdaryn qarastyratyn atap ótti.

«Ekinshiden, shetel bankterine osyndaı sanktsııaǵa ilikken banktermen operatsııalar júrgizýge tyıym salynǵan. Sonymen qatar, shetel valıýtasynda operatsııalar ótkizýge de shekteý bar. Atap aıtqanda, ulttyq valıýtada, ıaǵnı teńgemen operatsııalar júrgizýge eshqandaı shekteýler engizilmegen», - dedi agenttik basshysy.

Munymen qosa ol memleket ishinde de operatsııalar ótkizýge shekteýler jasalmaǵanyn aıtty.

«Bizdegi aqparatqa qaraǵanda, úsh reseılik bank boıynsha birqatar klıenttiń shottary úsh mlrd teńgege buǵattalǵan. Qazirgi kezde bul adamdar sanktsııaǵa ilikkender sanatynda bolmasa, onda osy adamdardyń ózderi tıisti jumystardy atqarýy kerek. ıAǵnı, bul adamdarǵa qatysty aktıvter buǵattaýdan shyǵarylady. Tıisti talaptar qarastyrylǵan, sondyqtan olar AQSh-tyń qarjy mınıstrligine qaraıtyn shetel aktıvterin qadaǵalaý jónindegi basqarmaǵa júginýi tıis. Osy arqyly atalǵan aktıvterdi aınalymǵa shyǵara alady», - dedi Mádına Ábilqasymova.