Úsh iri shahar men elimizdiń 15 óńirinde daýyldy eskertý jarııalandy

ASTANA. KAZINFORM – «Qazgıdromet» sınoptıkteri erteń 22 sáýirde Astana, Almaty, Shymkent sondaı-aq elimizdiń taǵy 15 óńirinde aýa raıy qolaısyz bolatynyn boljap, daýyldy eskertý jarııalady.

Mańǵystaý oblysynyń batysynda, ortalyǵynda naızaǵaı oınap, kúndiz shańdy daýyl turady dep kútiledi. Kúndiz oblystyń batysynda, ortalyǵynda ońtústik-shyǵystan jel soǵady, ekpini — 15-20 m/s.

Túnde Túrkistan oblysynyń taýlarynda, kúndiz ońtústiginde, taýly aýdandarynda naızaǵaı oınaıdy dep kútiledi. Kúndiz oblystyń ońtústiginde, taýly aýdandarynda ońtústik-shyǵystan soqqan jeldiń ekpini 15-20 m/s quraıdy. 23-25 sáýir aralyǵynda oblystyń batysynda, shóldi aýdandarynda joǵary órt qaýpi kútiledi. Shymkentte kúnniń ekinshi jartysynda naızaǵaı oınaıdy, ońtústik-shyǵystan soqqan jeldiń naızaǵaı kezindegi ekpini 15-20 m/s bolmaq. Túrkistanda 23-25 sáýir aralyǵynda joǵary órt qaýpi kútiledi.

Kúndiz Batys Qazaqstan oblysynyń batysynda, soltústiginde, ortalyǵynda naızaǵaı oınaıdy dep boljanǵan.

Túnde Atyraý oblysynyń batysynda, kúndiz oblystyń batysynda, soltústiginde, ońtústiginde naızaǵaı oınap, kún raıy buzylady dep kútiledi. Oblystyń batysynda, soltústiginde ońtústik-shyǵystan jel soǵady, ekpini — 15-20 m/s.

Túnde jáne tańerteń Qostanaı oblysynyń soltústiginde naızaǵaı oınaıdy, túnde jáne tańerteń oblystyń batysynda, ońtústiginde tuman túsedi dep kútiledi. Kúndiz oblystyń soltústiginde, shyǵysynda ońtústik-batystan, batystan jel soǵady, ekpini — 15 m/s.

Túnde Soltústik Qazaqstan oblysynyń batysynda, soltústiginde, ońtústiginde, kúndiz soltústiginde, shyǵysynda, ońtústiginde naızaǵaı oınap, túnde jáne tańerteń oblystyń ońtústiginde tuman túsedi dep boljanady. Túnde oblystyń batysynda, soltústiginde, ońtústiginde ońtústik-batystan, batystan jel soǵady, ekpini — 15-20 m/s. Petropavlda 22 sáýirde naızaǵaı oınap, ońtústik-batystan, batystan jel soǵady, kúndizgi ekpini 15-20 m/s quraıdy.

Kúndiz Abaı oblysynyń batysynda, ońtústiginde naızaǵaı oınap, túnde jáne tańerteń oblystyń ońtústiginde, ortalyǵynda tuman bolady dep kútiledi. Kúndiz oblystyń batysynda, ońtústiginde soltústik-shyǵystan ońtústik-shyǵysqa oıysa soqqan jeldiń ekpini 15-20 m/s bolýy yqtımal.

Kúndiz Aqmola oblysynyń batysynda, soltústiginde, shyǵysynda naızaǵaı oınap, túnde jáne tańerteń oblystyń ońtústiginde, shyǵysynda tuman túsedi dep kútiledi. Kúndiz oblystyń shyǵysynda ońtústik-shyǵystan batysqa oıysa soqqan jeldiń ekpini 15-20 m/s bolady dep kútiledi.

Túnde Shyǵys Qazaqstan oblysynyń soltústiginde, shyǵysynda, ońtústiginde jaýyn-shashyn (jańbyr, qar) bolady dep kútiledi. Túnde jáne tańerteń oblystyń soltústiginde, shyǵysynda tuman túsý yqtımaldyǵy joǵary.

Astanada kúndiz naızaǵaı oınaıdy dep boljanǵan.

Túnde jáne tańerteń Ulytaý oblysynyń soltústiginde, shyǵysynda tuman bolýy múmkin. 

Jetisý oblysynyń shyǵysynda ońtústik-shyǵystan jel soǵady, ekpini — 15-20 m/s.

Jambyl oblysynyń ońtústiginde, taýly aýdandarynda naızaǵaı oınap, oblystyń taýly aýdandarynda tuman bolýy yqtımal. Tarazda da kúndiz naızaǵaı oınaıdy.

Kúndiz Almaty oblysynyń ońtústiginde, taýly aýdandarynda naızaǵaı oınaıdy dep boljanady. Kúndiz oblystyń ońtústiginde, taýly aýdandarynda ońtústik-shyǵystan ońtústik-batysqa oıysa soqqan jeldiń ekpini 15-20 m/s quraıdy. Túnde oblystyń shyǵysynda, taý etegindegi aýdandarynda topyraq beti qatyp, synap baǵany 1 gradýs aıazdy kórsetedi, úsik júrýi múmkin. Almatyda ońtústik-batystan jel soǵady, kúndizgi ekpini — 15 m/s.