Úsh óńirde úsik júredi: búgingi aýa raıy boljamy

 El aýmaǵynyń basym bóligi antıtsıklon yqpalynda bolǵandyqtan búgin aýa raıy jaýyn-shashynsyz bolady, dep habarlaıdy QazAqparat «Qazgıdromet» RMK-ǵa silteme jasap. 

Sınoptıkterdiń boljamy boıynsha, tek respýblıkanyń batysynda jáne taýly aımaqtarynda atmosferalyq fronttardyń áserinen jańbyr jaýady. Sonymen qatar respýblıka boıynsha tuman túsip, soltústikte, ońtústikte, batysta, ońtústik-shyǵysta ekpindi jel soǵady,

Túnde ońtústikte, Aqmola ortalyǵynda, Qostanaı, Soltústik Qazaqstan oblystarynyń ońtústik-shyǵysynda 1-2 gradýs úsik júredi.

Túrkistanda, Qyzylorda oblysynyń ońtústiginde óte joǵary órt qaýpi saqtalady.

Jambyl, Mańǵystaý oblystarynda, Atyraý oblysynyń ońtústigi men shyǵysynda joǵary órt qaýpi bar.