Úsh óńirde aýa raıyna baılanysty kólik qozǵalysyna shekteý qoıyldy

ASTANA. KAZINFORM — Aqtóbe, Qyzylorda jáne Atyraý oblystarynda aýa raıynyń kúrt nasharlaýyna baılanysty respýblıkalyq mańyzy bar trassalar jabyldy, dep habarlaıdy «QazAvtoJol» UK.

2025 jylǵy 18 jeltoqsan saǵat 01:00–01:20-da aýa raıynyń buzylýyna baılanysty júk jáne qoǵamdyq kólik túrleri qozǵalysyna shekteý qoıylady. 

Aqtóbe oblysy:

— «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 776-1240 shaqyrym aralyǵy (Eko Oıl janarmaı stansasy — Qyzylorda oblysynyń shekarasyna deıin);

— «Aqtóbe-Qandyaǵash-Dossor-Atyraý-RF shekarasy» avtojolynyń 104-337 shaqyrym aralyǵyndaǵy ýchaskesinde (Qandyaǵash qalasynan Atyraý oblysy shekarasyna deıin);

Qyzylorda oblysy:

— «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 1240-1362 shaqyrym arylyǵy (Aqtóbe oblysy shekarasynan Aral qalasyna deıin); 

Atyraý oblysy:

— «Aqtóbe-Qandyaǵash-Dossor-Atyraý-RF shekarasy» avtojolynyń 337-346 shaqyrym aralyǵyndaǵy ýchaskesinde (Aqtóbe oblysy shekarasynan Saǵyz aýylyna deıin) júk jáne qoǵamdyq kólik túrleri qozǵalysyna shekteý qoıylady. 

Aıta keteıik, joldy 2025 jylǵy 18 jeltoqsan saǵat 09:00–de ashý josparlanǵan. 

Buǵan deıin ShQO-da jasandy jolmen qar kóshkinin túsirýge baılanysty jol jabylatynyn jazǵanbyz.