Úsh óńirde aýa raıyna baılanysty kólik qozǵalysyna shekteý qoıyldy
ASTANA. KAZINFORM — Aqmola, Qaraǵandy, Pavlodar oblystarynda aýa raıynyń nasharlaýyna baılanysty respýblıkalyq mańyzy bar trassalar jabyldy. Al BQO men Atyraýda kerisinshe keıbir jolda kólik qozǵalysy jandandy, dep habarlaıdy «QazAvtoJol» UK.
14 jeltoqsan saǵat 21:30–da aýa raıynyń nasharlaýyna baılanysty kelesi respýblıkalyq avtojoldarda júk jáne qoǵamdyq kólik túrleriniń qozǵalysyna shekteý qoıyldy:
Aqmola oblysy:
«Astana — Qaraǵandy — Almaty» avtojolynyń 30-92 shaqyrym aralyǵyndaǵy ýchaskesi (Jibek Joly aqy alý pýnktinen Qaraǵandy oblysynyń shekarasyna deıin).
Qaraǵandy oblysy:
«Astana — Qaraǵandy — Almaty» avtojolynyń 92-164 shaqyrym aralyǵyndaǵy ýchaskesi (Aqmola oblysynyń shekarasynan Temirtaý aqy alý pýnktine deıin). Joldy 2025 jylǵy 15 jeltoqsan saǵat 08:00–de ashý josparlanǵan.
14 jeltoqsan saǵat 22:30–da aýa raıynyń buzylýyna baılanysty kelesi respýblıkalyq mańyzy bar avtojoldarda kóliktiń barlyq túrlerine shekteý qoıylady:
Qaraǵandy oblysy:
«Qyzylorda — Jezqazǵan — Qaraǵandy — Shiderti» avtojolynyń 1067-1135 shaq. (Molodejnyı aýyly — Pavlodar oblysy shekarasy). «Qalqaman–Baıanaýyl–Úmitker–Botaqara» avtojolynyń, 231–324 shaq, (Pavlodar oblysynyń shekarasy — Botaqara aýyly.)
Pavlodar oblysy:
«Qyzylorda — Jezqazǵan — Qaraǵandy — Shiderti» avtojolynyń 1135–1206 shaq. (Qaraǵandy oblysynyń shekarasy — Shiderti aýyly). «Qalqaman–Baıanaýyl–Úmitker–Botaqara» avtojolynyń, 0- 231 shaq, (Qalqaman aýyly-Qaraǵandy oblysy shekarasy). Joldy 2025 jylǵy 15 jeltoqsan saǵat 06:00–de ashý josparlanǵan.
Aqmola oblysy
14 jeltoqsan saǵat 22:00–de aýa raıynyń buzylýyna baılanysty respýblıkalyq mańyzy bar «Astana — Shiderti — Pavlodar — Ýspenka — RF shekarasy» avtojolynyń 16-200 shaqyrymy aralyǵynda (Astana qalasy — Pavlodar oblysy shekarasyna deıin) barlyq kólik túrleriniń qozǵalysyna shekteý qoıyldy. Joldy 2025 jylǵy 15 jeltoqsan saǵat 09:00–de ashý josparlanǵan.
Pavlodar oblysy
14 jeltoqsan saǵat 21:30–da aýa raıynyń nasharlaýyna baılanysty respýblıkalyq mańyzy bar «Astana — Shiderti — Pavlodar — Ýspenka — RF shekarasy» avtojolynyń 200-415 shaqyrymy aralyǵynda (Aqmola oblysy shekarasynan. — Atameken a.) barlyq kólik túrleriniń qozǵalysyna shekteý qoıyldy. Joldy 2025 jylǵy 15 jeltoqsan saǵat 09:00–de ashý josparlanǵan.
Keıbir óńirde aýa raıynyń jaqsarýyna baılanysty joldar ashyldy.
Batys Qazaqstan oblysy
14 jeltoqsan saǵat 22:30–da «Podstepnoe-Fedorovka-RF shekarasy (Aqsaı s.)» 0-36 km, (Podstepnoe aýylynan — Fedorovka aýylyna (Terekti)) deıin kólik qozǵalysy ashylady.
14 jeltoqsan saǵat 23:00–de «Aqtóbe- Atyraý — RF shekarasy» avtojolynyń 266-393 shaqyrym aralyǵyndaǵy Podstepnoe eldi mekeninen Jympıty eldi mekenine deıin kólik qozǵalysy ashylady.
Atyraý oblysy
Oblystyq mańyzy bar «Atyraý — Inder» avtojolynyń Besikti eldi mekeninen Inderbor eldi mekenine deıingi (20–180 km) ýchaskesinde avtokólik qozǵalysy qaıta jandandy.
Osyǵan deıin Batys Qazaqstan oblysy Tasqala aýdany Tasqala aýylynda kúshti jel úsh qabatty jataqhananyń shatyryn ushyryp áketkenin jazǵanbyz