Úsh óńirde jol jabyldy

NUR-SULTAN. QazAqparat –Burqasyn men joldyń kórinbeýi saldarynan Shyǵys Qazaqstan, Aqtóbe men Aqmola oblystarynda kólik qozǵalysy shekteldi, dep habarlaıdy QazAqparat.

Indýstrııa jáne ınfraqurylymdyq damý mınıstrliginiń Telegram-kanalynda jarııalanǵan málimet boıynsha, búgin saǵat 08.20-den bastap Shyǵys Qazaqstan oblysynda aýa raıynyń nasharlaýyna baılanysty respbýlıkalyq mańyzdaǵy jolda shekteý engizildi. Naqty aıtsaq, Almaty-Óskemen baǵytyndaǵy joldyń 971-1048 shaqyrym aralyǵynda, ıaǵnı Ulan jáne Qalbataý aýyldarynyń arasynda burqasyn men joldyń kórinbeýine baılanysty barlyq kólik túrlerine qozǵalys shekteldi.

«Aqmola oblysynyń Nur-Cultan-Petropavl baǵytyndaǵy joldyń 18-231 shaqyrym aralyǵynda, «QazAvtoJol»UK-nyń aqyly jol dırektsııasyna jatatyn Nur-Sultan-Şýchınsk bóliginde saǵat 09.10-den bastap barlyq kólik túrleriniń júrýine shekteý qoıyldy», - dep jazylǵan habarlamada.

Sondaı-aq, Aqtóbe oblysynda da burqasyn kúsheıip, joldyń kórinbeýine baılanysty «Aqtóbe-Atyraý-Astrahan» avtojolynda Qandyaǵash-Qaraýylkeldi ýchaskesiniń 97-250 shaqyrym aralyǵynda barlyq kólik túrleriniń qozǵalysyna shekteý qoıylyp otyr.