Úsh óńirde trassalar jabyldy - QazAvtoJol

ASTANA. QazAqparat – Aýa raıynyń qolaısyzdyǵyna baılanysty 3 óńirde avtojoldar jabyldy, dep habarlaıdy QazAqparat QazAvtoJolǵa silteme jasap.

Atap aıtqanda, Aqtóbe oblysynda «Qarabutaq – Komsomolskoe – Denısovka – Rýdnyı-Qostanaı» tasjolynyń T.Júrgenov aýylynan Qostanaı oblysynyń shekarasyna deıingi aralyǵy kóliktiń barlyq túri úshin jabyq.

Qaraǵandy oblysynda «Ekaterınbýrg – Almaty» tasjolynyń Aqsý-Aıýly aýylynan Balqash qalasyna deıingi aralyǵynda júk jáne qoǵamdyq kólik túrleri úshin qozǵalysqa shekteý engizildi.
Qostanaı oblysynda «Qarabutaq – Komsomolskoe – Denısovka – Rýdnyı – Qostanaı» tasjolynyń Aqtóbe oblysynyń shekarasynan Denısovka aýylyna deıingi aralyǵynda avtokóliktiń barlyq túri úshin qozǵalysqa tyıym salyndy.