Úsh óńirde ózende muz keptelip, sý deńgeıi kóteriledi
NUR-SULTAN. QazAqparat – «Qazgıdromet» RMK-nyń Gıdrologııa departamenti 23-25 qańtar aralyǵyndaǵy aýa raıyna baılanysty eskertý jarııalady, dep habarlaıdy QazAqparat.
«23-25 qańtar aralyǵynda Shyǵys Qazaqstan jáne Almaty oblystarynyń ózenderinde, sondaı-aq Qyzylorda oblysyndaǵy Syrdarııa ózeninde aýa temperatýrasynyń jylynýyna baılanysty (muz qabattarynyń juqarýy, ózenderde seńniń toqtaýy) muz keptelip, sý deńgeıi kóterilýi múmkin», - dep habarlaıdy vedomstvo.
Keptelis –ózen arnasynda onyń aǵysyn shekteıtin muzdyń jınalýy. Ádette, muz keptelisi men seńniń toqtaýy saldarynan sý deńgeıi kóterilip, tasıdy.
