Úsh óńirde ekinshi aýysym úshin sabaqtar toqtatyldy
NUR-SULTAN. QazAqparat – Aýa raıynyń qolaısyzdyǵyna baılanysty úsh óńirde ekinshi aýysym úshin sabaqtar toqtatyldy, dep habarlaıdy QazAqparat.
Shyǵys Qazaqstan oblystyq Bilim basqarmasynyń aqparatyna sáıkes, Ulan aýdanynyń Donskoe aýylynda 1-11-synyp, Qasym Qaısenov aýylynda 1-4-synyp oqýshylary oqymaıdy.
Jarma aýdany Qarasý aýylynda 1-4 synyp, Besqaraǵaı aýdanynda 1-4 synyp aralyǵynda sabaqtar bolmaıdy.
Óskemen qalasy men Zaısan aýdanynda 1-11-synyptarǵa oqý toqtatyldy.
Qaraǵandy oblysynda aýa raıynyń nasharlaýyna oraı 0-4 synyp oqýshylary mektepke barmaıdy.
Sondaı-aq Aqmola oblysynyń, Arshaly jáne Tselınograd aýdandarynda 0-4 synyptar, Stepnogorsk jáne Bulandy aýdandarynda 0-5 synyptar, Birjan sal aýdanynda 0-11 synyptar oqymaıdy.
Eske salaıyq, búgin tańerteń Nur-Sultan qalasy men ShQO-da birinshi aýysym úshin bilim protsesi toqtatyldy. Shyǵys Qazaqstan oblysynda oqýshylar 10 aqpan kúni de oqymady.
