Úsh oqýshyny qaǵyp ketken júrgizýshi 1,5 jylǵa sottaldy
ASTANA. QazAqparat - Astana úsh mektep oqýshysyn kóligimen qaǵyp ketken júrgizýshi bir jarym jylǵa sottaldy, dep habarlady Astana qalalyq sotynyń hatshysy Botagóz Baıanova.
«2018 jyldyń 5 qańtarynda Astana qalasynyń Almaty aýdandyq №2 soty Jaqsybek Darhanǵa qatysty qylmystyq isti qarady. Oǵan QK-tiń 345 baby, 3 tarmaǵy, 345 bóligi boıynsha aıyp taǵyldy. ıAǵnı ol jolda júrý erejesin óreskel buzyp, onyń sońy F.Ǵ.Musanyń ólimimen aıaqtalǵan. Sondaı-aq jol apatynan A.T. Ahmedıarova zardap shekti»,-dep jazdy B.Baıanova óziniń Facebook paraqshasynda.
Basty sot óndirisinde zardap shekken Ahmedııarovanyń zańdy ókili qylmystyq isti toqtatýǵa kelisimen berdi. Sebebi zardap shekken azamatqa materıaldyq jáne moraldyq shyǵyn óteldi.
Sot D.Jaqsybekti 1 jyl 6 aıǵa bas bostandyǵynan aıyrdy. Sondaı-aq ol 5 jyl kólik basqarý quqyǵynan aıyryldy. Zardap shekken tarapqa sot 1 500 000 teńge kóleminde moraldyq ótemaqy tólendi.
Aıta keteıik, 4 qyrkúıek kúni 21 jastaǵy júrgizýshi Momyushly dańǵylynan ótip bara jatyp, baǵdarshamnyń qyzyl túsine ótip ketip, úsh balany qaqan. Jol apatynyń saldarynan 10 jáne 16 jastaǵy eki bala aýrýhanaǵa jetkizildi. 10 jastaǵy bala medıtsınalyq kómek kórsetilgen soń úıine jiberildi. Zardap shekkenderdiń biri qaıtys boldy.
