Úsh oblysta jol qozǵalysyna shekteý alyndy, ShQO-da áli de jol jabyq - «Qazaqavtojol»
ASTANA. 6 naýryz. QazAqparat - «Qazaqavtojol» RMK baspasóz qyzmeti respýblıkadaǵy avtokólik joldarynyń jaǵdaıy týraly aqparattandyrady.
Aqmola oblysy boıynsha barlyq baǵyttarda avtokóliktiń barlyq túrleri úshin jol qozǵalysyna shekteý alyndy.
Qaraǵandy oblysy boıynsha barlyq baǵyttarda avtokóliktiń barlyq túrleri úshin jol qozǵalysyna shekteý alyndy.
Pavlodar oblysy boıynsha barlyq baǵyttarda avtokóliktiń barlyq túrleri úshin jol qozǵalysyna shekteý alyndy.
Shyǵys Qazaqstan oblysynda qolaısyz aýa raıyna (qar, boran, jol kórinisiniń shektelýi) baılanysty keshe saǵat 12.00-den bastap "Óskemen-Rıdder-RF shekara" a/j 105-191 shaqyrymy, Rıdder-RF shekara aralyǵynda avtokóliktiń barlyq túrleri úshin jol qozǵalysyna shekteý qoıyldy.
"Omby-Maıqapshaǵaı" a/j 587-733 shaqyrymy, Pavlodar obl.shekara-Semeı q. aralyǵynda jol qozǵalysyna shekteý alyndy.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
