Úsh oblysta úsik júredi: 2 qazan kúngi aýa raıy boljamy
ASTANA. QazAqparat - 2 qazan kúni Qazaqstannyń soltústik, ortalyq jáne shyǵys aýmaqtary atmosferalyq fronttardyń yqpalynda bolady. Keı jerlerde jańbyr jaýady, ońtústik-shyǵysta jáne shyǵysta naızaǵaı kútiledi. Respýblıkanyń jekelegen aýmaqtaryna tuman túsip, jel kúsheıedi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Shyǵys Qazaqstan oblysynynyń keı jerlerinde 15-20 m/s ekpinmen soqqan jeldiń jyldamdyǵy kúndiz 25 m/s jetedi.
Almaty oblysynyń Jalańashkól aýdanynda jel 17-22 m/s ekpinmen soǵady.
Aqmola oblysynyń keı jerlerinde jel 15-20 m/s kúsheıedi, túnde jáne tańerteń tuman kútiledi.
Qyzylorda oblysynyń keı jerlerinde túnde jáne tańerteń tuman bolady, kúndiz jel 15-20 m/s kúsheıedi.
Soltústik Qazaqstan oblysynyń keı jerlerinde tuman men 15-20 m/s ekpindegi jel boljanady.
Qaraǵandy jáne Atyraý oblystarynyń keı jerlerinde túnde jáne tańerteń tuman bolady.
Kúndiz Jambyl, Túrkistan oblystarynyń keı jerlerinde jeldiń jyldamdyǵy 15-20 m/s artady.
Batys Qazaqstan, Atyraý, Aqtóbe oblystarynyń jekelegen aýmaqtarynda túnde -3 gradýs úsik júredi.
Sondaı-aq Túrkistan, Qyzylorda, Mańǵystaý oblystarynda, keı jerlerde Jambyl, Almaty, Atyraý, Aqtóbe, Qaraǵandy oblystarynda joǵary órt qaýpi saqtalady.
