Úsh oblysta tuman túsip, kóktaıǵaq bolady
ASTANA. QazAqparat - Sınoptıkter elimizdiń birqatar óńirinde aýa raıynyń qolaısyzdyǵyna baılanysty eskertý jarııalady, dep habarlaıdy QazAqparat.
10 qańtar kúni Mańǵystaý oblysynyń keı jerlerinde tuman túsip, kóktaıǵaq bolady. Aqtaýda túnde jáne tańerteń tuman túsedi.
10 qańtar kúni Túrkistan oblysynyń keıbir jerlerinde tuman túsip, tańerteń jáne kúndiz ońtústik-batystan 15-20 m/s jyldamdyqpen jel soǵady, jel ekpini 25 m/s deıin jetedi.
Túrkistan qalasynda kúndiz jeldiń jyldamdyǵy sekýndyna 15-20 metrge jetedi.
Shymkentte 10 qańtar kúni ońtústik-batystan 15-20 m/s jyldamdyqpen jel soǵatyny boljanyp otyr.
10-12 qańtar kúnderi Qyzylorda oblysynyń keı jerlerinde tuman túsip, kóktaıǵaq bolady, 10-11 qańtarda soltústik-shyǵystan soǵatyn jeldiń ekpini 15-20 m/s deıin jetedi.
