Úsh oblysta sý tasqyny saldarynan kólik qozǵalysy shekteldi
ASTANA. QazAqparat - ShQO, Qaraǵandy jáne OQO-daǵy respýblıkalyq mańyzy bar joldarda sý tasqynyna baılanysty kólik qozǵalysy shekteldi, dep habarlady «Qazavtojol» RMK baspasóz qyzmeti.
ShQO-da sý tasqynyna baılanysty «Semeı-Qaınar» 7-166 shaqyrym (27 shaqyrymdy sý basty) jolda kóliktiń barlyq túrine jol jabyldy. Ýchaskeni «Semeı-Qaraýyl» joly arqyly aınalyp ótedi.
Qaraǵandy oblysynda 166-750 shaqyrym joldy sý shaıdy. 90-167 shaqyrymdyq «Aqshataý-Aqadyr» jolynda kóliktiń barlyq túrine qozǵalys shekteldi. Aınalyp ótý «Qaraǵandy-Aqsý-Aıýly-Aǵadyr» baǵytymen júzege asyrylady.
OQO-da «Samara-Shymkent» (2217-2235 shaqyrym, 2229 shaqyrymdy sý shaıǵan) jolynda jol qozǵalysy shekteldi. Aınalyp ótý Temirlan aýyly arqyly júzege asyrylady.
Ýchaskelerde sý ótkizgish qubyr bar, nyǵaıtý jumystary júrgizilip, eskertý belgileri, belgi baǵandary qoıyldy. Táýlik boıy kezekshilik uıymdastyryldy.
