Úsh oblysta kún raıynyń qolaısyzdyǵyna baılanysty kólik qozǵalysy shekteldi

ASTANA. QazAqparat - Saǵat 20:00-degi aqparatqa sáıkes 3 óńirde aýa raıynyń qolaısyzdyǵyna baılanysty respýblıkalyq mańyzy bar avtojoldardyń 5 ýchaskesinde júk jáne qoǵamdyq avtokóliktiń qozǵalysyna ýaqytsha shekteý engizildi, dep habarlaıdy QazAvtojol.

Abaı óńirinde «Almaty-Óskemen» tasjolynyń Qalbataý aýylynan Qasym Qaısenov aýylyna deıingi aralyǵy men «Óskemen-Semeı» tasjolynyń ShQO shekarasynan Semeı qalasyna deıingi aralyǵy jabyq.

Aqtóbe oblysynda «Samara-Shymkent» tasjolynyń Aqtóbe qalasynan Qarabutaq aýylyna deıingi aralyǵy men BQO-dan Qobda aýylyna deıingi aralyq jabyq.

Shyǵys Qazaqstan oblysynda «Óskemen-Semeı» tasjolynyń Gerasımovka aýylynan Abaı oblysynyń shekarasyna deıingi aralyǵynda qozǵalys shekteldi.