Úsh oblysta bıdaı men undy tasymaldaý boıynsha úılestirý shtabtary quryldy
ASTANA. QazAqparat - 2017 jyly Qazaqstanda bıdaı men undy kólikke tıeý men ony tasymaldaý kólemi 12,1 mln tonnany qurady. Onyń ishinde 8,9 mln tonnasy bıdaı jáne 3,2 mln tonnasy un túrinde tıeldi, dep habarlaıdy QazAqparat.
«Bul kórsetkish 2016 jyldyń deńgeıinen 6,1 paıyzǵa artyq. Respýblıka aýmaǵynda eń úlken ósim undy tıeý kórsetkishine tıesili, ıaǵnı 866,1 myń tonna nemese 2016 deńgeıimen salystyrǵanda 130 paıyz deńgeıinde», - dep naqtylady QR IDM baspasóz qyzmeti.
Belgili bolǵandaı, 2017 jyly Aqtaý porty arqyly 995 myń tonna bıdaı ótkizildi. Osy oraıda 2016 jylmen salystyrǵanda ósim 24 paıyzǵa artyq.
«Qajetti temirjol jyljymaly quramamen qamtamasyz etý maqsatynda arnaıy is-shara jospary bekitildi. Soǵan sáıkes, Aqmola, Qostanaı jáne Soltústik Qazaqstan oblystary ákimdikteri janynda bıdaı men undy tasymaldaý boıynsha is-áreketti úılestirý jónindegi jedel shtabtar quryldy», - delingen vedomstvo málimetinde.
