Úsh oblysta aýa raıyna qatysty eskertý jarııalandy
ASTANA. QazAqparat - Elimizde aýa raıyna baılanysty úsh oblysta eskertý jarııalandy, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, 20-22 qazanda Aqmola oblysynyń keı jerlerinde ekpini 15-20 m/s jetedi.
Sonymen qatar, Astana qalasynda 20 qazanda túnde jáne tańerteń tuman túsedi, kóktaıǵaq kútiledi, 20-22 qazanda ońtústik-batystan jyldamdyǵy sekýndyna 15-20 metrge jetetin kúshti jel soǵady.
20 qazanda Qostanaı oblysynda ońtústik-batystan jel soǵady, onyń jyldamdyǵy sekýndyna 15-20 metrge jetedi.
20-21 qazan kúnderi túnde Jambyl oblysynyń keı jerlerinde 3 gradýs úsik júredi.
Sondaı-aq, Taraz qalasynda 20-21 qazanda túnde 1-3 gradýs úsik saqtalady.
