Úsh oblysta aýa raıyna baılanysty jol jabyldy
NUR-SULTAN. QazAqparat - Aýa raıynyń qolaısyzdyǵyna baılanysty respýblıkalyq mańyzy bar eki avtojolda kólik qozǵalysyna shekteý qoıyldy, dep habarlaıdy QazAqparat «QazAvtoJol» kompanııasyna silteme jasap.
Atap aıtqanda «Ekaterınbýrg - Almaty» jolynyń 835-917 shaqyrymynda (SQO Chıstopole – Aqmola oblysy aralyǵy) jáne «Tımırıazev - Sarykól - Qostanaı oblysy» tasjolynyń 0-31 shaqyrymynda (Tımırıazev - Qostanaı oblysy) kólik júrýine tyıym salynǵan.
Respýblıka joldarynda 736 arnaıy tehnıka jumys istep júr.
Barlyq suraqtar boıynsha 1403 nómirindegi baılanys ortalyǵyna habarlasýǵa bolady.
«QazAvtoJol» UK« AQ júrgizýshilerge jol erejesin saqtaý, ruqsat etilgen jyldamdyqty asyrmaý, qaýipsiz qashyqtyqty saqtaý qajettiligi týraly eskertedi. Sonymen qatar, saparǵa tek qysqy dóńgelektermen shyǵýǵa keńes beredi» delingen habarlamada.
