Úsh oblysta 9 jel elektr stantsııasy salynyp jatyr - Maǵzum Myrzaǵalıev
«Indýstrııalandyrý kartasynyń óńirlik jobalary eki negizgi baǵyt boıynsha elimizdiń bes oblysynda shoǵyrlanǵan. Munaı jáne gaz óńdeý salasynda 113 mlrd teńge quraıtyn alty joba bar», - dedi M. Myrzaǵalıev.
Onyń ishinde:
- Aqtóbe oblysynda 7,9 mlrd teńge somasyna tórt joba iske asyrylýda. Atap aıtsaq, munaı-hımııa reagentterin óndir, montaj kóbigi, mıneraldy maqta boıynsha, sondaı-aq ilespe gazdy qaıta óńdeý jobalary. Bul jobalar bıyl iske asyrylyp bitedi. Nátıjesinde, 300-den astam jańa jumys orynyn qurýǵa múmkindik beredi.
- Túrkistan oblysynda 105 mlrd teńge somasyna eki joba iske asyrylyp jatyr. Bıyldyń sońyna deıin munaı ónimderin óndirýge baǵyttalǵan joba aıaqtalady dep kútilýde. Sondaı-aq, 2022 jyly motor otyny men munaı-hımııa ónimderin daıyndaıtyn zaýyttyn qurylysy josparlanyp otyr. Osy jobalardy iske asyrýdyń nátıjesinde 400-den astam jańa jumys orny paıda bolady.
«Jańartylatyn energııa kózderi salasynda 87 mlrd teńge somasyna 10 joba júzege asyrylyp jatyr. Jıyntyq qýaty 170 MVt bolady. Atap aıtsaq, Shyǵys Qazaqstanda, Almaty jáne Qostanaı oblystarynda 9 jel elektr stantsııasy salynyp jatyr. Bir gıdroelektro stantsııasynyń qurylysy Almaty oblysynda júzege asýda», - dedi mınıstr.
Budan buryn habarlanǵandaı, Maǵzum Myrzaǵalıev respýblıkalyq Indýstrııalandyrý kartasynyń jobalary týraly baıandady.
