Úsh oblysta 200-den astam kooperatıv qurylady - AShM

ASTANA. QazAqparat - Búgin QR Premer-mınıstriniń orynbasary - aýyl sharýashylǵy mınıstri Asqar Myrzahmetov Jambyl oblysyna jumys saparymen bardy. Sol jerde oǵan úsh oblysta aýyl sharýashylyq kooperatıvterin qurý jumystary jaıynda baıandaldy, dep QazAqparat tilshisi mınıstrliktiń resmı saıtyna silteme jasap.

Resmı aqparatqa sáıkes, aǵymdaǵy jylda Jambyl oblysynda 32 aýyl sharýashylyǵy kooperatıvin qurý josparlanyp otyr. Qazirdiń ózinde 19 kooperatıv quryldy. Al Almaty oblysy boıynsha josparda turǵan 111 kooperatıvtiń 27-i qatarǵa qosyldy. Ońtústik Qazaqstanda 75 kooperatıvti qurý josparda bar. Osy ýaqytqa deıin sonyń 26-sy óz jumysyn bastap ketti. Atalǵan kooperatıvter sút pen et óńdeý kásiporyndarynyń júktemesin arttyrýǵa múmkindik berip otyr.

Jambyl oblysynda ótken jıyn barysynda Myrzahmetov ońtústik óńirlerdegi sý tapshylyǵy máselesin de qozǵady. Mınıstrdiń aıtýynsha, jańa baǵdarlamada sý resýrstaryna da erekshe mán berilip otyr. «Sonyń aıasynda jalpy kólemi 610 myń ga jerdi sýarmaly aımaqqa aınaldyrý, 368 myń ga jaıylymnyń sýarý júıesin qalyptastyrý josparlanýda», - deıdi Myrzahmetov.

Aıta keteıik, QR Premer-Mınıstriniń orynbasary - aýyl sharýashylyǵy mınıstri Asqar Myrzahmetov jumys saparymen Jambyl oblysyna baryp, jergilikti taýar óndirýshilerimen kezdesti. Jıynda kóktemgi egistik jumystary pysyqtaldy.