Úsh oblys aýmaǵynda respýblıkalyq joldarda kólik qozǵalysy shekteldi
NUR-SULTAN. QazAqparat - Aýa raıynyń qolaısyzdyǵyna baılanysty úsh oblys aýmaǵynda respýblıkalyq joldarda kólik qozǵalysy shekteldi, dep habarlaıly QazAqparat QR ındýstrııa jáne ınfraqurylymdyq damý mınıstrliginiń Telegram paraqshasyna silteme jasap.
Aýa raıynyń buzylýyna baılanysty kelesideı respýblıkalyq mańyzy bar tas joldarda qozǵalysqa shekteý engizildi:
Aqtóbe oblysynda:
«Aqtóbe-Mártók-RF shek.» avtojolynyń 24-99 shaqyrymynda, atap aıtqanda, Saryjar aýyly men RF shekarasy aralyǵyndaǵy ýchaske;
«Samara-Shymkent» avtojolynyń 526-618 shaqyrymynda, atap aıtqanda, BQO shekarasy men Qobda aýylynyń aralyǵyndaǵy ýchaske avtokóliktiń barlyq túri úshin jabyldy:
Batys Qazaqstan oblysynda:
«Samara-Shymkent» avtojolynyń 394-526 shaqyrymynda, atap aıtqanda Jympıty aýyly men Aqtóbe oblysynyń shekarasy aralyǵyndaǵy ýchaskede kólik qozǵalysy shekteldi.
Soltústik Qazaqstan oblysynda:
«Býlaevo-Vozvyshenka-Molodogvardeıskoe-Kırov-Qııaly-Roşınskoe» avtojolynyń 0-228 shaqyrymynda Býlaevo men Roşınskoe aýyldarynyń aralyǵyndaǵy ýchaske;
«Roşınskoe-Korneevka-Voloshınka» avtojolynyń 0-87 shaqyrymynda, atap aıtqanda, Roşınskoe men Voloshınka aýyldarynyń aralyǵyndaǵy ýchaske;
«Voloshınka-Sergeevka-Tımırıazevo» avtojolynyń 0-53 shaqyrymynda, atap aıtqanda, Voloshınka men Sergeevka aýyldarynyń aralyǵyndaǵy ýchaske;
«Tımırıazevo-Sarykól-Qostanaı oblysynyń shekarasy» avtojolynyń 0-32 shaqyrymynda, atap aıtqanda, Tımırıazevo aýyly men Qostanaı oblysynyń shekarasy aralyǵyndaǵy ýchaskede barlyq kólik túriniń qozǵalysy shekteldi.
