Úsh oblystaǵy joldardyń 16 ýchaskesi jabyldy

Qostanaı, Soltústik Qazaqstan, Aqmola oblystarynda 16 jol ýchaskesinde qozǵalys shekteldi, dep habarlaıdy Kazinform.

«QazAvtoJol» ulttyq kompanııasynyń dereginshe, aýa raıy jaǵdaıyna baılanysty (jel, kóktaıǵaq) Qostanaı oblysyndaǵy respýblıkalyq mańyzy bar avtojoldardyń 2 ýchaskesinde júk jáne qoǵamdyq avtokólik úshin qozǵalysqa shekteý engizildi.

"Sonymen qatar respýblıkalyq mańyzy bar avtojoldardyń 5 ýchaskesinde (Qostanaı - 1, SQO - 3, Aqmola - 1) jáne oblystyq mańyzy bar avtojoldardyń 9 ýchaskesinde (Qostanaı - 8, SQO - 1). avtokóliktiń barlyq túrleri úshin qozǵalys jabyldy", - delingen aqparatta.