Úsh oblystaǵy respýblıkalyq mańyzy bar joldarda kólik qozǵalysy shekteldi

ASTANA. KAZINFORM - 25 naýryz saǵat 18:00 jaǵdaı boıynsha erigen qar sýlarynan 3 oblystaǵy 3 respýblıkalyq mańyzy bar avtomobıl joldarynda kólik qozǵalysyna shekteý qoıyldy.  

Үш облыстағы республикалық маңызы бар жолдарда көлік қозғалысы шектелді
Фото: Көлік министрлігінің баспасөз қызметі

«QazAvtoJol» ulttyq kompanııasynyń málimetinshe qazirgi ýaqytta tómendegi respýblıkalyq avtojolda qozǵalysqa shekteý engizildi:

Aqtóbe oblysy:

- «Qandyaǵash - Embi- Shalqar - Yrǵyz» avtojolynyń 3-92 shaqyrym aralyǵy (Qandyaǵash qalasy - Embi qalasy).

Qostanaı oblysy:

- Qazaqstan men Reseı arasyndaǵy beıtarap terrıtorııadaǵy Marınovka aýylyna jaqyn aımaqta (RF shekarasy).

Soltústik Qazaqstan oblysy:

- «Petropavl qalasynyń aınalma joly» avtojolynyń 4-7 shaqyrymy aralyǵynda (Qojabergen jyraý aınalma jolynan Esil ózeni arqyly ótetin kópirge deıin).

Aıta keteıik, qazirgi tańda respýblıkalyq joldardy kútip-ustaýǵa 260 arnaıy tehnıka men 574 maman jumyldyryldy.

Buǵan deıin Qazaqstanda 25 naýryz kúni qandaı joldar jabylǵanyn jáne ashylǵanyn habarlaǵan edik. 

 

Сейчас читают