Úsh oblysta jol jabyldy

ASTANA. KAZINFORM – QazAvtoJol aýa raıyna baılanysty úsh oblysta kólik qozǵalysyna shekteý qoıylǵanyn habarlady.

Qaraǵandy oblysy:

- 2026 jylǵy 5 aqpan saǵat 21:00-de aýa raıynyń buzylýyna baılanysty respýblıkalyq mańyzy bar «Astana — Qabanbaı batyr — Nura — Temirtaý» avtojolynyń 51 — 101 shaqyrym aralyǵynda (Aqmola oblysynyń shekarasy — Nura kenti) kóliktiń barlyq túri úshin qozǵalysqa shekteý qoıylady.

- 5 aqpan saǵat 21:30-da aýa raıynyń buzylýyna baılanysty respýblıkalyq mańyzy bar «Astana — Qaraǵandy — Almaty» avtojolynyń 92 — 164 shaqyrym aralyǵynda (Aqmola oblysynyń shekarasy — Temirtaý aqy alý pýnkti) kóliktiń barlyq túri úshin qozǵalysqa shekteý qoıylady.

Joldy 2026 jyly 6 aqpan saǵat 08:00-de ashý josparlanǵan.

Aqmola oblysy:

2026 jylǵy 05 aqpan saǵat 21:30-da aýa raıynyń buzylýyna baılanysty respýblıkalyq mańyzy bar kelesi avtojoldarda barlyq kólik túriniń qozǵalysyna shekteý engiziledi:

- «Astana — Shiderti — Pavlodar — Ýspenka — RF shekarasy» avtojolynyń 16 — 200 shaqyrym aralyǵy (Astana qalasy — Pavlodar oblysynyń shekarasy);

- «Astana — Atbasar — Jaqsy — Rýzaevka — Sarykól — Qostanaı — RF shekarasy (Qaıraq baqylaý-ótkizý pýnkti)» avtojolynyń 16 — 347 shaqyrym aralyǵy (Astana qalasy — Jaqsy kenti);

- «Astana — Qaraǵandy — Almaty» avtojolynyń 30 — 92 shaqyrym aralyǵy (Jibek joly aqy alý pýnkti — Qaraǵandy oblysynyń shekarasy);

- «Astana — Qorǵaljyn (Qorǵaljyn qoryǵyna kireberis jolymen)» avtojolynyń 19 — 124 shaqyrym aralyǵy (Astana qalasy — Qorǵaljyn kenti).

Joldy 2026 jylǵy 06 aqpan saǵat 08:00-de ashý josparlanǵan.

Pavlodar oblysy:

2026 jylǵy 5 aqpan saǵat 21:30-da aýa raıynyń buzylýyna baılanysty respýblıkalyq mańyzy bar «Astana — Shiderti — Pavlodar — Ýspenka — RF shekarasy» avtojolynyń 200 — 254 shaqyrym aralyǵynda (Aqmola oblysynyń shekarasy — Shiderti kenti) kóliktiń barlyq túri úshin qozǵalysqa shekteý qoıylady.

Joldy 2026 jyly 6 aqpan saǵat 08:00-de ashý josparlanǵan.

Aıta keteıik, aldaǵy tórt jylda Atyraý-Dossor joly 4 jolaqqa keńeıtiledi.