Úsh oblysta jol qozǵalysy shekteldi

ASTANA. KAZINFORM - Qar kóshkini men sý tasqyny qaýpine baılanysty elimizdiń úsh oblysynda jol qozǵalysyna shekteý qoıyldy. Bul týraly Qazavtojol málimdedi.  

Qaraǵandy oblysynda erigen sýdyń tasýynan jáne kólikterdiń qozǵalysyna qaýip tóný saldarynan «Qyzylorda — Pavlodar» tas jolynyń 788-906 shaqyrymynda (Ulytaý oblysynyń shekarasy — Topar aýyly ýchaskesi) barlyq kólik túrlerine qozǵalys shekteldi.

Ulytaý oblysynda erigen sýdyń tasýynan jáne kólikterdiń qozǵalysyna qaýip tóný saldarynan «Qyzylorda-Pavlodar» tas jolynyń 758-788 shaqyrymynda (Jańaarqa-Qaraǵandy oblysynyń shekarasy ýchaskesi) barlyq kólik túrlerine qozǵalys shekteldi.

Sondaı-aq, qar kóshkinine baılanysty «Óskemen — Altaı — Úlken Naryn — Katonqaraǵaı» tas jolynyń 6-166 shaqyrymynda (Ýshanovskoe aýyly-Altaı ýchaskesi) barlyq kólik túrlerine qozǵalys shekteldi.

«Óskemen — Altaı — Úlken Naryn — Katonqaraǵaı» tas jolynyń 420-450 shaqyrymynda (Berel aýyly-Rahman qaınary) barlyq kólik túrlerine qozǵalys shekteldi.