Úsh oblystaǵy respýblıkalyq joldarda kólik qozǵalysyna shekteý qoıyldy
ASTANA. KAZINFORM – QazAvtoJol 3 oblysta kólik qozǵalysy shektelgenin habarlady.

2025 jylǵy 26 aqpan saǵat 08:00 jaǵdaı boıynsha 3 oblystaǵy 5 respýblıkalyq mańyzy bar avtomobıl joldarynda kólik qozǵalysyna shekteý qoıyldy.
Ulytaý oblysy:
- «Qyzylorda-Jezqazǵan-Qaraǵandy-Shiderti» avtojolynyń 216-424 shaqyrym aralyǵy (Qyzylorda oblysynyń shekarasy - Jezqazǵan qalasy).
Qyzylorda oblysy:
- «Qyzylorda-Jezqazǵan-Qaraǵandy-Shiderti» avtojolynyń 12-216 shaqyrym aralyǵy (Qyzylorda qalasy - Ulytaý oblysynyń shekarasy)
Jetisý oblysy:
- «Úsharal-Dostyq» avtojolynyń 84-164 shaqyrym aralyǵy (Kóktýma aýyly - Dostyq stansasy).
-«Saryózek – Kóktal» avtojolynyń 141-142 shaqyrym aralyǵynda (Kónbe kópiri).
Qazir respýblıkalyq joldardy kútip-ustaýǵa 470 arnaıy tehnıka men 951 maman jumyldyryldy.
Aıta keteıik, Qazaqstannyń birqatar oblysynda 26 aqpanda daýyldy eskertý jarııalandy.