Úsh oblysta boranǵa baılanysty jabylǵan jol qaıta ashyldy

ASTANA. KAZINFORM - QazAvtoJol boranǵa baılanysty jabylǵan jol ashylǵanyn habarlady. 

2025 jylǵy 9 jeltoqsan saǵat 12:00-de kelesi respýblıkalyq mańyzy bar avtojoldarda kóliktiń barlyq túri úshin qozǵalys ashyldy:

Aqmola oblysy:

- «Astana – Shiderti – Pavlodar – Úspenka – RF shekarasy» avtojolynyń 36-200 shaqyrym aralyǵy (Sofıevka aýyly – Pavlodar oblysynyń shekarasy).

Pavlodar oblysy:

- «Qalqaman – Baıanaýyl – Úmitker – Botaqara» avtojolynyń 0-231 shaqyrym aralyǵy (Qalqaman aýylynan – Qaraǵandy oblysynyń shekarasyna deıin);

- «Astana – Shiderti – Pavlodar – Úspenka – RF shekarasy» avtojolynyń 256-431 shaqyrym aralyǵy (Shiderti aýylynan – Atameken aýylyna deıin).

Qaraǵandy oblysy:

- «Qalqaman – Baıanaýyl – Úmitker – Botaqara» avtojolynyń 231–324 shaqyrymy aralyǵy (Pavlodar oblysynyń shekarasy – Botaqara aýyly).

Eske salsaq, buǵan deıin úsh oblystaǵy respýblıkalyq mańyzy bar joldarda kólik qozǵalysy shektelgenin jazǵan edik.