Úsh oblys joldarynda jıi adam ólimi bolady — Sádenov
ASTANA. KAZINFORM — Jyl basynan beri jergilikti mańyzy bar joldarda 251 adam qaza tapty. Bul týraly búgin Úkimet otyrysynda Іshki ister mınıstri Erjan Sádenov aıtty.
— Jergilikti mańyzy bar joldar tolyǵymen ákimdikterdiń quzyretine jatady. Bıyl osy joldarda 251 adam qaza tapty. Onyń 90 paıyyy Túrkistan, Almaty, Jambyl oblystarynda oryn alǵan, ıaǵnı, osy úsh oblysta jaǵdaı óte aýyr. Negizgi sebep — kólikterdiń betpe-bet soǵysýy, kedergiler men janýarlardy qaǵyp ketý jáne aýdarylý jaǵdaılary. Osy oblystardyń ákimderi bul máseleni shuǵyl túrde qolǵa alý kerek. Atap aıtqanda qorshaýlar men jol belgilerin ornatý, qaýipsiz jol jıekterin jasaý, tesik-shuńqyrlardy joıý sharalaryn qabyldaý qajet, — dedi Erjan Sádenov.
Onyń aıtýynsha, eldi mekenderde ınfraqurylym máselesi de jaqsy emes. Barlyq jol-kólik oqıǵalarynyń 80 paıyzy jáne adam óliminiń úshten biri osy eldi mekenderde oryn alǵan. Buǵan negizgi sebep — jaıaý júrginshi ótpeleri, jaryqtandyrý jáne trotýarlardyń joqtyǵy.
— Atap aıtqanda, 19 myń ótpeni baǵdarshammen jabdyqtaý, 100 myń metr jaıaý júrginshi qorshaýyn salý, 15 myń shaqyrym jaryqtandyrý jelisin jáne 60 myń shaqyrym trotýar tóseý qajet. Mysaly, Qostanaı oblysynda barlyq jaıaý júrginshi ótkeldiń tek 2 paıyzy paıyzy ǵana baǵdarshammen rettelgen. Al, Qyzylorda oblysynda bul kórsetkish — nebári 3%paıyz. Almaty, Jambyl, Atyraý jáne Batys Qazaqstan oblystarynda, sondaı-aq Almaty qalasynda 9 paıyzdan aspaıdy, — dedi mınıstr.
Aıta keteıik, otyrysta jol qozǵalysy qaýipsizdigin qamtamasyz etý máselesi qaralyp, jylý berý maýsymyna daıyndyq barysy pysyqtalyp jatyr.
