Úsh myńǵa jýyq áskerı qyzmetshi áskerı qyzmetten bosatylady
Qazaqstan Respýblıkasy Qarýly Kúshteriniń áskerı bólimderinde josparly tártipte zań boıynsha belgilengen merzimdi, ıaǵnı 12 aı qyzmet ótkergen merzimdi áskerı qyzmetshilerdi bosatý júrgizilýde.
Belgilengen áskerı qyzmet merzimin ótkergen merzimdi áskerı qyzmetshilerdi bosatý jyl saıyn júrgiziletinin eske sala keteıik. Merzimdi áskerı qyzmetshilerdi zapasqa bosatý QR Qorǵanys mınıstri jáne Qorǵanys mınıstriniń birinshi orynbasary - QR QK Bas shtaby bastyǵynyń buıryqtaryna sáıkes áskerı bólimderdiń komandırlerimen júrgiziledi.
Bıylǵy jyly kóktemgi shaqyrý sáýirde bastalyp, maýsymda aıaqtalady. Onyń sheńberinde merzimdi áskerı qyzmetke shamamen 15 myń bozbala tartylady. Aǵymdaǵy jyl boıynsha Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń qataryn barlyǵy 30 myń sarbaz tolyqtyratyn bolady.