Úsh myńnan astam zańsyz qoqys úıindisi joıyldy

ASTANA. KAZINFORM —  Aktsııa bastalǵaly beri 4 myńnan astam stıhııalyq qoqys úıindisi anyqtaldy. Bul týraly ІІM baspasóz qyzmeti habarlady. 

Іshki ister mınıstrligi «Taza Qazaqstan» ekologııalyq baǵdarlamasy aıasynda arnaıy belgilenbegen oryndarǵa qoqys tógý men suıyq qaldyqtardy aǵyzýdyń jolyn kesý boıynsha jumysty turaqty túrde júrgizip keledi.

Aktsııa bastalǵaly beri 4 myńnan astam stıhııalyq qoqys úıindisi anyqtaldy. 722 myńnan astam ákimshilik quqyq buzýdyń joly kesildi, onyń ishinde 227 myńnan astamy qoǵamdyq oryndardy lastaý, al 496 myńǵa jýyǵy abattandyrý qaǵıdalaryn buzý.

Nátıjesinde úsh myńnan astam zańsyz qoqys úıindisi joıyldy. Sondaı-aq ákimshilik jaýapkershilikke laýazymdy tulǵalar, onyń ishinde ákimdikter men kommýnaldyq qyzmet ókilderi de tartyldy.

Mysaly, Aqmola oblysynyń Býrabaı aýdanynda týrıstik aımaqtardy turmystyq qoqystan tazartý boıynsha aýqymdy aktsııa ótti. Іs-sharaǵa polıtsııamen birge eriktiler jáne eko-belsendiler qatysty. Nátıjesinde úsh tonnadan astam qaldyq shyǵaryldy.

Sonymen qatar halyqpen jáne uıym ókilderimen túsindirý jumystary júrgizildi. Qoqysty shyǵarý jáne jınaý erejeleri, sondaı-aq olardy buzǵany úshin jaýapkershilik týraly eske salatyn aqparattyq jadynamalar taratyldy. 

— Qorshaǵan ortanyń tazalyǵy tek baqylaýǵa ǵana emes, árbir azamattyń jaýapkershiligine de baılanysty, — dedi ІІM ókilderi.

Aıta ketelik Almaty taýlarynda qoqys jınap, tegin kofe alýǵa bolady.