Úsh mınıstrlik bir aıda Qazaqstanda óndirilýi qajet ımporttyq taýarlardyń tizbesin aıqyndaıdy
ASTANA. KAZINFORM – Otandyq taýarlardy ótkizýge jáne eksporttaýǵa kedergi keltiretin talaptar men shekteýlerdi qaıta qaralady. Bul týraly Úkimet otyrysynda Premer-mınıstr Oljas Bektenov málim etti.
- Otandyq óndirýshiler óz ónimderin ótkizý kezinde negizsiz ári basy artyq ákimshilik talaptarǵa tap bolmaýǵa tıis. Saýda mınıstrligi múddeli memlekettik organdarmen jáne «Atameken» palatasymen birlesip, otandyq taýarlardy ótkizýge jáne eksporttaýǵa kedergi keltiretin talaptar men shekteýlerdi qaıta qarap, olardy joıý jóninde naqty sharalar qabyldasyn. Barlyq talaptar bir qujatta jınaqtalyp, jalpyǵa qoljetimdi aqparattyq júıede naqty kórinis tabýǵa tıis, - dedi O. Bektenov.
Onyń aıtýynsha, ishki naryq negizgi azyq-túlik taýarlary boıynsha otandyq ónimmen qamtamasyz etilgen. Sonymen qatar daıyn ónim óndirýge qajetti ımporttyq shıkizat pen quramdas bólikterge táýeldilik áli de bar. Ásirese, azyq-túlikke jatpaıtyn taýarlar sektorynda táýeldilik joǵary.
- Saýda, Ónerkásip jáne Aýyl sharýashylyǵy mınıstrlikteri bir aı merzimde Qazaqstanda óndirilýi qajet bolatyn asa mańyzdy ımporttyq taýarlardyń, shıkizattyń, materıaldar men qosalqy buıymdardyń tizbesin aıqyndasyn. Árbir pozıtsııa boıynsha iske asyrý merzimderin belgileı otyryp, otandyq óndiristi qurý nemese keńeıtý baǵytynda naqty sharalar ázirleý qajet, - dedi Úkimet basshysy.
Budan buryn habarlanǵandaı, Premer-mınıstr Oljas Bektenov otandyq ónimniń úlesin turaqty túrde arttyrýǵa qatysty mınıstrlikterge tapsyrma berdi.
