Úsh myńǵa jýyq sarbaz Jaıyq jaǵalaýynda bóget salyp júr
ATYRAÝ. KAZINFORM — Atyraý oblysynda 2962 sarbaz Jaıyq jaǵalaýynda bóget salyp júr.
Atyraý oblysy jedel shtabynyń málimetine súıensek, ár óńirden kómekke kelgenderdiń qatarynda áskerı qyzmetkerler bar.
Bóget salýǵa Qarýly kúshter, Ulttyq ulan, shekara qyzmeti, tótenshe jaǵdaılar jáne polıtsııa qurylymdarynan 2962 sarbaz tartylǵan.
Solardyń qatarynda Jambyl oblysyndaǵy Gvardeısk garnızonyndaǵy № 82796 áskerı bóliminiń áskerleri de bar.
«Biz bul óńirge bes kún buryn kelgen edik. Basty maqsatymyz — Jaıyq ózeninen tónýi múmkin sý tasqynynyń aldyn alý. Bizdiń áskerıler Atyraý qalasyndaǵy № 36 mektepke ornalasty», -deıdi áskerı bólimniń kishi serjanty Eldar Jánibekov.
Al, Mahambet aýdanynda 80 shaqyrym bóget salý josparlanǵan. Onyń 20 shaqyrymy jańadan salynǵan.
Bul aýdanda Jaıyq ózeniniń jaǵalaýyna qum toltyrylǵan 800 myń qap tóselgen.
«Shymkent qalasyndaǵy № 35748 áskerı bóliminen 300 áskerı qyzmetshi keldik. Ózimizdiń 17 tehnıkamyz bar. Eldi mekenderdi sý tasqynynan myqty bóget ǵana qorǵaıdy. Sol sebepten, bógetti tez ári sapaly salýǵa jumystanýdamyz», -deıdi shymkenttik áskerı qyzmetshi Mıras Janábilov.
Eske sala ketelik, budan buryn Atyraýdaǵy bóget qurylysyna ózge óńirlerden jetkizilgen tehnıkalar tartylǵanyn habarlaǵan edik.
