Úsh myńǵa jýyq qyrǵyzstandyq Taıaý Shyǵys elderinen otanyna oraldy

ASTANA. KAZINFORM — Taıaý Shyǵystaǵy jaǵdaıǵa baılanysty shamamen úsh myń qyrǵyzstandyq óz elderine qaıtty. Bul týraly Syrtqy ister mınıstrliginiń Konsýldyq departamentiniń dırektory Seıtek Jumakadyruly brıfıngte habarlady, dep jazady Kabar.

Onyń sózinshe, Syrtqy ister mınıstrligi azamattardy Qyrǵyzstanǵa qaıtarý jumysyn jalǵastyryp jatyr. Aldaǵy kúnderi qalǵan azamattardyń kelýi josparlanǵan.

— Qazirgi ýaqytqa deıin Qyrǵyzstanǵa oralǵandardyń 426-sy memleket uıymdastyrǵan tegin reıstermen evakýatsııalandy. Qalǵandary ózderi ushyp keldi, — dedi ol.

Eske sala ketsek, buǵan deıin Taıaý Shyǵys elderinde shamamen 22 myń qyrǵyzstandyq azamat júrgeni habarlanǵan.

Osyǵan deıin Qatardaǵy krýızdik laınerde qalǵan qyrǵyzstandyqtar 8 naýryzda elge oralatyny aıtyldy.