Úsh memlekettik JOO rektorlyǵyna 42 adam úmitker bolyp otyr
ASTANA. QazAqparat - M. Əýezov atyndaǵy Ońtústik Qazaqstan memlekettik ýnıversıtetiniń, Sh. Ýálıhanov atyndaǵy Kókshetaý memlekettik ýnıversıtetiniń jəne M. Ótemisuly atyndaǵy Batys Qazaqstan memlekettik ýnıversıtetiniń rektorlaryn saılaý boıynsha baıqaýǵa qatysý úshin qujattar qabyldaý aıaqtaldy, dep habarlaıdy QR Bilim jəne ǵylym mınıstrliginiń baspasóz qyzmeti.
Baıqaýǵa 42 úmitkerdiń qujaty kelip tústi. Olardyń damý baǵdarlamalary joǵary oqý mekemeleriniń baqylaýshy keńesterine qarastyrylýǵa jiberiledi. Baqylaýshy keńestiń minezdemelerin alǵan úmitkerler respýblıkalyq baıqaý komıssııasynda suhbattasýdan ótedi. Komıssııanyń qarastyrýyna JOO-nyń baqylaýshy keńesi kem degende eki úmitkerdi usyný kerek.
Respýblıkalyq komıssııanyń quramyna QR JOO qaýymdastyǵy, bilim salasy qyzmetkerleriniń kəsipodaqtary, QR Parlamentiniń depýtatary, belgili ǵalymdar, bıznes-qurylym ókilderi jəne basqa da qoǵam qaıratkerleri kiredi.
Qorytyndy sheshimdi respýblıkalyq komıssııa daýys berý arqyly qabyldaıdy. 16 memlekettik joǵary oqý oryndarynyń rektorlary da osy jolmen tańdalǵandyǵyn eske salyp ketken jón.
