Úsh megapolıste 13 zańsyz mal soıý tsehy tabyldy

ASTANA. KAZINFORM — Astana, Almaty jáne Shymkent qalalarynda zańsyz mal soıý tsehtary anyqtaldy, dep habarlaıdy ІІM baspasóz qyzmeti.

Mal urlyǵynyń aldyn alý jáne qylmystardy ashý maqsatynda ІІM turaqty túrde aldyn alý is-sharalaryn ótkizedi. 11-31 naýryz aralyǵynda kezekti ret respýblıkalyq keń aýqymdy «Mal urysy» jedel-profılaktıkalyq is-sharasy ótkizildi. 21 kúndik operatsııa barysynda 54 myńnan astam mal tasymaldaǵan avtokólik, 17 myńnan astam satyp alý oryndary, 28,5 myń sharýa qojalyǵy jáne fermalar tekserildi.

— Astana, Almaty jáne Shymkent qalalarynda 13 zańsyz mal soıý tsehtary anyqtaldy. Polıtsııa mal urlyǵyna 131 adamnyń qatystylyǵyn anyqtady. Sonymen qatar 26 qylmystyq toptyń áreketine tosqaýyl qoıyldy. Jalpy mal urlyǵynyń 135 deregi ashylyp, 580-nen astam janýar ıelerine qaıtaryldy, — dedi ІІM krımınaldyq polıtsııa departamentiniń bastyǵy Qanat Nurmaǵambetov.

Almaty oblysynda mal urylarynyń eki toby ustaldy. Olardyń biri jergilikti turǵyndardan 16 iri qara maldy urlap, 11 qylmys jasaǵan. Al ekinshi qylmystyq top 9 urlyq jasap, 103 usaq maldy qoldy etken. 

Sonymen qatar Jambyl oblysynda jergilikti turǵyndardan 28 jylqyny urlap áketken úsh adamnan turatyn top ustaldy. Ýaqtyly qabyldanǵan sharalardyń nátıjesinde bıylǵy jyly mal urlyǵy 26%-ǵa paıyzǵa tómendedi.

Osyǵan deıin jyl basynan mal urlyǵy qaı óńirlerde kóp anyqtaldy.