Úsh qyzdy kóliktiń júk salǵyshyna otyrǵyzyp, serýen salǵan mas júrgizýshi eki polıtseıdi qaǵyp ketti
ASTANA. QazAqparat - Volgogradtaǵy Krasnoarmeıskıı aýdanynyń turǵyndary mas júrgizýshiniń úsh boıjetkendi kóliginiń júk salǵyshynyń ústine otyrǵyzyp zyrǵytqanynyń kýási boldy.
Osy «qýanyshtyń» bári «jolaýshylardyń» biriniń kólikten qulap túspegeninshe jalǵasqan. Muny kórgen kýágerler polıtsııa qyzmetkerlerin shaqyrdy.
Oqıǵa ornyna birinshi bolyp ýchaskelik polıtseı kelgeni habarlanady. Ol mas júrgizýshini kólikten shyǵarmaq bolǵan, biraq bul áreketinen túk shyqpady. Buzaqy esigin ishten jaýyp, gazǵa basyp, sońynan polıtseıdi súıretip ala ketken. Mıy shaıqalǵan jáne basqa túrli jaraqattar alǵan ýchaskelik polıtseı kómek shaqyryp úlgerdi.
Alaıda, oqıǵa ornyna kelgen JPQ qyzmetkeri de ýchaskelik polıtseı sııaqty qatelik jasady - ol buzaqyny kólikten shyǵarý úshin júrgizýshi esigin tereze arqyly ashpaq boldy.
Qaskúnemdi tek «Ustaý» jospary jarııalanǵan soń ǵana qolǵa túsirý múmkin boldy. Ol 19 jastaǵy jergilikti turǵyn bolyp shyqty. Oǵan qatysty 318 bappen qylmystyq is qozǵaldy, buǵan qosa aıyppul salyndy.
