Úsh kúnnen keıin Qazaqstandaǵy aptap ystyq qaıtady
ASTANA. QazAqparat - Úsh kúnnen keıin Qazaqstandaǵy aptap ystyq qaıtady, dep habarlaıdy «Qazgıdromet» RMK.
«Qazaqstannyń basym bóligindegi ystyq aýa raıyna sebep bolǵan ońtústik-batys troposfera aǵyny soltústikke aýysa bastaıdy. Sondyqtan, aldaǵy úsh kúnde aýa temperatýrasy qalypqa túsedi, Respýblıkanyń shyǵysy men ońtústik-shyǵysynda temperatýra 2-5ºS tómendeıdi. Senbi kúni salqyn atmosferalyq baǵyt áserimen soltústik, ortalyq jáne shyǵys oblystarda naızaǵaı oınap, ótkinshi jańbyr jaýady, jel kúsheıedi. Tek Qazaqstannyń batys bóliginde ǵana ádepki aýa temperatýrasynan 3-5ºS joǵary ystyq aýa raıy saqtalady», - delingen habarlamada.
