Úsh kúnde avtobýs tizgindegen 11 mas júrgizýshi ustaldy

NUR-SULTAN. QazAqparat – Ótken aptada Qazaqstan aýmaǵynda «Avtobýs» jedel aldyn alý is-sharasy ótkizildi. Bul týraly QR Іshki ister mınıstrliginiń ákimshilik polıtsııa komıteti tóraǵasynyń orynbasary Serik Túsipov aıtty, dep habarlaıdy QazAqparat tilshisi.

«Іs-sharanyń maqsaty – jolaýshylar kóliginiń qatysýymen orynalatyn jol apatyn azaıtý, sonymen qatar júrgizýshilerdiń jolaýshy tasymaldaý erejesin saqtaýyna baqylaýdy kúsheıtý. Polıtsııa kóliktik baqylaý qyzmetkerlerimen birge jolaýshylar tasymalymen aınalysatyn avtokólik kásiporyndary men kásipkerlerdi tekserdi. Avtobýstardyń tehnıkalyq jaı-kúıi men júrgizýshilerdiń jol erejesin saqtaýǵa erekshe nazar aýdaryldy», - dedi ol mınıstrliktiń baspasóz qyzmeti alańynda ótken brıfıng barysynda.

Onyń aıtýynsha, shara ótkizilgen 3 kúnniń ishinde qoǵamdyq kólik júrgizýshileri jasaǵan 9 050 jol júrisi erejesiniń buzylýy anyqtaldy.

Onyń ishinde avtobýsty mas kúıde basqarýdyń - 11, joldyń qarsy betine shyǵyp ketýdiń - 14, manevr jasaý erejesin buzýdyń 1 606 faktisi anyqtaldy.

258 júrgizýshi jyldamdyqty belgilengen shekten asyrǵany úshin jaýapkershilikke tartyldy.

Sonymen qatar avtobýsty zańsyz qaıta jabdyqtaýdyń - 262, reıske shyǵar aldynda tekserýden ótpeýdiń - 146, tehnıkalyq tekserýden ótpeýdiń - 747, avtobýs júrgizip kele jatyp telefonmen sóılesýdiń 1 610 faktisi áshkerelendi.

«Jolaýshylardy zańsyz tasymaldaýdyń 120 faktisi anyqtaldy. Avtobýs parkteriniń 158 laýazymdy tulǵasy ákimshilik jaýapkershilikke tartyldy. Zańsyz 52 kólik turaǵy jabyldy», - dedi Serik Túsipov.