Úsh kúnde 13 kólikti tonaǵan batysqazaqstandyq eki jigit ustaldy
BQO Polıtsııa departamentiniń málimetinshe, 13 kólikke urlyqqa túsken kúdiktilerdi Zashaǵan polıtsııa bóliminiń qyzmetkerleri ustaǵan. 15-18 qańtar aralyǵynda olar ońaı olja tabý maqsatynda qala aýmaǵyndaǵy barlyq yqshamaýdanda bolyp, avtokólikterden akkýmýlıator, avtomagnıtolla, kólik ıelerine tıesili ózge de jeke zattardy urlaǵan.
«Máselen, 15 qańtar kúni túngi saǵat 23:00-de olar Zachagan yqshamaýdanyndaǵy jer úıdiń aýlasynda turǵan Audi kóliginiń salonynan sur tústi batareıa men 10 lıtrlik temir kanıstrdi urlaǵan. Al 16 qańtarda Zachagan yqshamaýdanyndaǵy jer úıdiń aýlasynda turǵan VAZ 2107 kóliginen magnıtofon, akkýmýlıator, 2 dana dybys zoraıtqysh, qosalqy dóńgelek syndy buıymdardy urlap ketken», - delingen polıtsııa habarlamasynda.
Málim etilgendeı, Shaǵan polıtsııa bóliminiń saqshylary eki kúdiktini ustady. Urlanǵan zattar jartylaı tárkilendi. Kúdiktiler qylmystaryn tolyq moıyndady.
«Qylmystyq isti tergeý barysynda anyqtalǵandaı, kúdiktiler arnaıy esepke alynbaǵan, buǵan deıin qylmystyq jaýapkershilikke tartylmaǵan. Fakti boıynsha QR Qylmystyq kodeksiniń 188-baby 3-bóligimen (Urlyq) qylmystyq is qozǵaldy», - dedi polıtsııadan.