Úsh kún ishinde 30-dan astam qarý jasyrylǵan jer anyqtaldy

ASTANA. KAZINFORM — Іshki ister mınıstrligi el aýmaǵynda «Qarý» jedel-profılaktıkalyq is-sharasyn ótkizdi.

— Úsh kún ishinde 30-dan astam qarý jasyrylǵan jer anyqtalyp, 360 túrli atys qarý, 12 granata jáne úsh myńnan astam oq-dári tárkilendi. Sonymen qatar buryn urlanǵan jeti qarý anyqtaldy, onyń tórteýi qańtar oqıǵasy kezinde urlanǵan. Budan bólek, buryn joǵalǵan alty qarý tárkilenip, 14 qarý erikti túrde tapsyryldy, — dedi ІІM krımınaldyq polıtsııa departamentiniń bastyǵy Qanat Nurmaǵambetov.

Polisia.kz-tiń málimetinshe shara barysynda atys qarýyn zańsyz saqtaý jáne alyp júrýdiń 120 faktisi anyqtalyp, 200 adam ákimshilik jaýapkershilikke tartyldy.

— Іshki ister mınıstrligi azamattarǵa qarýdy kez kelgen ýaqytta erikti túrde tapsyrý múmkindigi bar ekenin jáne bul úshin eshqandaı quqyqtyq saldar bolmaıtynyn eske salady, — delingen habarlamada.

Aıta ketelik birneshe oblysta qańtar oqıǵasy kezinde urlanǵan qarý-jaraqtar tabylǵan edi.