Úsh kún ishinde grekııalyq jaǵalaý kúzeti 2,5 myńǵa jýyq bosqyndy ustady
BRıÝSSELЬ. QazAqparat - Grekııanyń jaǵalaý kúzetiniń habarlaýynsha, ótken demalys kúnderi Jerorta teńiziniń grekııalyq kúsh qurylymdary Eýroodaqqa ótpek bolǵan 2,5 myńǵa jýyq bosqyndy ustady.
Habarlanǵandaı, jumadan dúısenbi kúngi tańerteńge deıin grekııalyq jaǵalaý kúzeti Jerorta teńizinde 70 operatsııany júzege asyrdy, onyń barysynda 2 492 adam ustaldy.
Kún saıyn bul elge Taıaý Shyǵys pen Afrıka elderinen jańa bosqyndar kelýde. Olardyń ishinde EO aýmaǵyna kóbine lańkester kirip ketip, basqalarmen birge EO aýmaǵymen saıahattaýǵa múmkindik beretin bosqyn resmı kýáligin alýǵa tyrysady. Mıgratsııalyq daǵdarystyń shıelenisýine oraı Eýroodaqta tóraǵalyq etetin Lıýksembýrg 14 qyrkúıekte Eýrodaq elderiniń ishki ister mınıstrleriniń jáne ádilet mınıstrleriniń kezekten tys otyrysyn shaqyrtý týraly jarııalady. Eske salaıyq, EO elderinde Ekinshi dúnıejúzilik soǵys ýaqytynan bergi bosqyndar daǵdarysy kúsheıdi. Bul jyldyń segiz aıy ishinde Jerorta teńizi arqyly 340 myń adam EO memleketterine zańsyz kirýge tyrysty, olardyń 2,5 myńy qaza tapty.
