Úsh kún buryn joǵalyp ketken Astana turǵyny kompıýterlik klýbtarda boı tasalaǵan
ASTANA. QazAqparat - Úsh kún buryn joǵalǵan Astana turǵyny otbasyna oraldy, ol osy kúnderde kompıýterlik klýbtarda júrgen, qonaqúıde túnegen. Ol bul áreketine otbasylyq janjal sebep bolǵanyn aıtty.
Astana ІІD baspasóz qyzmetiniń derekterine sáıkes 23 maýsymda Ivan Lebedevtiń týysqandary er adam tańerteń úıinen shyǵyp ketip, osy ýaqytqa deıin úıine oralmaǵany týraly shaǵymmen júgindi.
Polıtseıler onyń qaıda ekenin tabý úshin jedel izdeý sharalaryn júrgizdi. Tanystary, dostary, bolýy múmkin degen oryndar anyqtaldy. Kompıýterlik klýbtarda izdeý sharalary júrgizildi.
«Búgin saǵat 10.00-ge taman Lebedev tabyldy. Onyń kompıýterlik oıynǵa qumarlyǵynan otbasynda janjal týyndaǵanyn aıtty. Sondyqtan da úıine qaıtqysy keelmegen. Osy ýaqyt ishinde túnde qonaqúıde túnese, kúndizgi ýaqytyn kompıýterlik klýbta ótkizgen», - dep habarlady ІІD.
