Úsh kún boıy úıindiler astynda qalǵan birneshe adam qutqaryldy
ASTANA. QazAqparat - Indonezııanyń tótenshe jaǵdaılar qyzmeti úsh kún boıy jer silkinisi saldarynan qıraǵan úıindiler astynda qalǵan birneshe adamdy qutqardy, dep jazady Jacarta Post gazeti.
Juma kúni Sýlavesı araly jaǵalaýynda Palý qalasyna jaqyn mańda magnıtýdasy 6,1-ge teń jer silkinisi boldy.
Budan keıin osy aýmaqta taǵy bir magnıtýdasy 7,4-ke teń jer silkindi.
Іzdeý-qutqarý basqarmasynyń (Basarnas) habarlaýynsha, Nýrýl esimdi áıeldi dúısenbige qaraǵan túni Palýdaǵy Balaroada aýdany aýmaǵynda turǵyn úı kesheni úıindileriniń astynan shyǵaryp alǵan. Taǵy bir Alfrıda esimdi zardap shekken jandy qıraǵan meıramhana astynan tapqan.
Málimetterge qaraǵanda, apat bolǵan aýdandardan taǵy birneshe adam qutqarylǵan.
Qazirgi tańda jer silkinisi qurbandarynyń sany 1,2 myń adamnan asyp otyr.
