Úsh qazaqstandyq tennısshi jastar arasynda Aýstralııa ashyq birinshiliginde óner kórsetedi
NUR-SULTAN. QazAqparat – Úsh qazaqstandyq tennısshi Maksım Batıýtenko, Arýjan Saǵyndyqova jáne Tatıana Nıkolenko aldaǵy jyl basynda jastar arasynda Aýstralııa ashyq birinshiliginde óner kórsetedi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, elimiz tarıhynda «Úlken dýlyǵa» týrnırinde jastar arasynda úsh birdeı oıynshymyz alǵash ret baq synamaqshy.
Búgin jarııa etilgen jastar arasyndaǵy álemdik reıtıngide Maksım 93-orynǵa, Arýjan 82-satyǵa kóterildi.
M.Batıýtenko jýyrda Úndistannyń Pýna qalasynda 18 jasqa deıingiler arasynda ITF Juniors serııasy boıynsha ótken jarysta jekeleı synda úzdik shyqty.
Qaraǵandy tennıs mektebiniń túlegi fınalda bir saǵatqa jetpeıtin ýaqyt ishinde úndistandyq Saheba Sodhıdi 6:2, 6:1 esebimen utty.
Bul – Maksımniń jekeleı synda bıylǵy ekinshi tıtýly. Budan eki apta buryn Úndistannyń Delı qalasynda ótken osyndaı jarysta chempıon atanǵan edi.
Eske sala keteıik, budan buryn qazaqstandyq jas tennısshiniń Úndistanda ótken jarystyń chempıony atanǵanyn jazǵan bolatynbyz.
