Úsh qazaqstandyq MMA-dan Azııa chempıony boldy
ASTANA. QazAqparat - MMA boıynsha Azııanyń ashyq chempıonaty aıaqtaldy. Qazaqstan ulttyq quramasynyń bes sportshysy «altyn» úshin baq talastyrdy, dep habarlady «QazAqparat» HAA MMA respýblıkalyq federatsııasyna silteme jasap.
52,2 kelige deıin salmaq sanatyndaǵy Aıan Tursyn amerıkalyq Hanna Skoggınske ese jiberip, chempıonattyń kúmis júldegeri atandy. Jarys tehnıkalyq nokaýtpen aıaqtaldy.
56,7 keli salmaqta Ernaz Musabek IMMAF halyqaralyq uıymynyń MMA boıynsha Azııa chempıony atandy. Tunshyqtyrý tásilin qoldanǵan ol Djosh Nıldi merziminen buryn jeńdi.
61,2 kelige deıingi jeńil salmaqtaǵy palýan Oljas Moldaǵalıev te Azııa chempıony boldy. Fınalda Oljas shvetsııalyq palýan Renato Vıdovıchpen aıqasty. Aıqyn basymdyqpen jáne sýdıalardyń biraýyzdy sheshimimen qazaqstandyq jeńiske jetti.
65 kelige deıingi salmaq sanatynda Bekzat Jasııa fınalda reseılik Abdýlmanap Magomedovten jeńildi. Bekzat chempıondyq ataq úshin bar kúshin saldy, alaıda, sýdıalardyń sheshimimen, reseılik myqtyraq bolyp shyqty.
Ulttyq quramanyń eń jas múshesi - 18 jastaǵy Jan Kenjebaev 77,1 kelige deıin salmaq sanatynda altyn medal ıegeri atandy. Ol Belarýs atleti Aleks Sadvskıımen sheshýshi aıqasty tehnıkalyq nokaýtpen aıaqtady.
