Úsh qazaqstandyq farmatsevtıkalyq zaýyty ınsýlın shyǵarýdy josparlap otyr
Qazaqstanda qant dıabeti dıagnozy qoıylǵan 300 myńnan astam adam bar, bul jyl saıyn ósip keledi. Mundaı jaǵdaılarda antıdıabetıkterdiń óndirisi áleýmettik mańyzǵa ıe bolyp keledi.
«SQ-Farmatsııa» basqarma tóraǵasynyń mindetin atqarýshy Sharııa Ismýhanovanyń aıtýynsha, qant dıabetimen aýyratyn naýqastardy qamtamasyz etý úshin Biryńǵaı dıstrıbıýtor jyl saıyn ınsýlınniń 22 túrin alady. «2017 jyly Biryńǵaı dıstrıbıýtor jalpy quny 6,6 mlrd teńgege ınsýlın satyp aldy», - dedi Sharııa Ismýhanova.
Alaıda, naýqastar ınsýlınmen qamtamasyz etilgende, keıde úzilister kezdesedi. «Aýrýlardyń ósý qarqyny men onyń anyqtalýy da artyp jatyr, sondyqtan medıtsınalyq uıymdarǵa qajetti kólemdi durys josparlaý árdaıym múmkin emes, jáne olar bir jyl ishinde olardyń tapsyrysyn arttyrady. Al dári-dármekterdi qosymsha satyp alý úshin qymbat ýaqytty talap etedi», - dedi Sharııa Ismýhanova.
Biryńǵaı dıstrıbıýtordyń basshysynyń aıtýynsha, máseleniń sheshilýi jergilikti ınsýlın óndirisin jolǵa qoıý. «Qazirgi ýaqytta otandyq kompanııalarmen aldaǵy jyldary ınsýlın óndirýdi bastaýdy josparlap otyrǵan úsh uzaq merzimdi shart jasaldy - bular «Qaraǵandy farmatsevtıkalyq kesheni», «Hıkma TMD» jáne «Eleas». Olar konkýsr arqyly tańdalyp alyndy», -dedi Sharııa Ismýhanova.
Kelisimshartqa sáıkes, kompanııalar bes jyl boıy halyqaralyq standarttarqa sáıkes ónimderdi shyǵarýǵa tıis. «Qaraǵandy farmatsevtıkalyq kesheni» ınsýlınniń 8 túrin, al 8-in «Eleas» kompanııasy shyǵarýdy kózdep otyr.
«Jaqynda qazaqstandyq naryqqa kirgen Hikma Pharmaceuticals ınvestory jobasynyń aıasynda ınsýlınniń taǵy úsh ataýyn shyǵarý josparlanǵan. Qazaqstanda álemdik deńgeıdegi farmatsevtıkalyq ónimder óndirisi paıda bolǵan ýaqytta, olardan aldaǵy 10 jylda qant dıabeti bar naýqastardy tegin qamtamasyz etý úshin ınsýlın satyp alynatyn bolady.